Մազային ֆոլիկուլների կետային փոխպատվաստումը կամ FUE-ն մազերի փոխպատվաստման քիչ ինվազիվ մեթոդ է: FUE մեթոդով փոխպատվաստման ժամանակ պացիենտի սեփական անվնաս մազային ֆոլիկուլները հեռացվում են գլխի այն հատվածից, որտեղ մազերը դեռ ակտիվորեն աճում են, և փոխպատվաստվում են գլխի ճաղատ հատվածում: Դա թույլ է տալիս, որ պացիենտի սեփական մազերը նոր արմատներ ձևավորեն և բնական ճանապարհով աճեն:
FUE մեթոդի ժամանակ առանձին ֆոլիկուլյար միավորները վերցնում են դոնոր հատվածից՝ օգտագործելով հատուկ սնամեջ ասեղներ, որոնք կոչվում են փանչ (punch): Այնուհետև միավորները խնամքով մշակվում են, որից հետո տեղադրվում են գլխամաշկի մեջ: Ի տարբերություն վնասված միավորների, մազերի փոխպատվաստման հատուկ սնամեջ ասեղներով հավաքված ֆոլիկուլյար միավորները դիմացկուն են մազաթափություն առաջացնող հորմոնի (DHT) նկատմամբ, և դա երաշխավորում է բուժման հաջողությունը:
Առողջ ֆոլիկուլյար միավորը, որը նաև կոչվում է գրաֆթ, հիմք է ստեղծում նոր մազերի աճի համար:
Գրաֆթը 1-4 մազերի խումբ է, որոնք աճում են նույն արմատից և կպած են միմյանց: Մարդու գլխամաշկի մազերը սովորաբար չեն աճում առանձին մազի տեսքով, այլ դասավորված են փոքր խմբերով (ֆոլիկուլյար միավորներ): Մազերի փոխպատվաստման ժամանակ այս միավորները հանվում են և օգտագործվում բնական մազածածկ աճեցնելու համար:
Մազերի փոխպատվաստման պրոցեդուրայից առաջ.
Նախքան միջամտությունն իրականացնելը հիվանդի հետ խորհրդակցությունը պարտադիր է: Մենք քննարկում ենք մազերի աճի ապագա դիզայնը, որոշում ենք գրաֆտների քանակը, որոնք անհրաժեշտ են էսթետիկորեն ընդունելի արդյունքի հասնելու համար, և ընտրում ենք դոնոր շրջանը:
Միջամտության ընթացքը.
Մազերի փոխպատվաստման համար կիրառվում է տեղային անզգայացում։ Վիրահատության այն հատվածը, որի ժամանակ վիրաբույժը ուղղակիորեն ծակում է գլխամաշկը սնամեջ ասեղով, կոչվում է ֆոլիկուլյար միավորի հեռացում (FUE): Այնուհետև հեռացված միավորները տեղադրվում են այն հատվածներում, որտեղ մազաթափություն կա: Դրանք ուժեղ դիմադրողականություն ունեն մազաթափության նկատմամբ նույնիսկ այն հատվածներում, որոնց վրա մեծ ազդեցություն է ունեցել DHT հորմոնը:
6-12 ամիս հետո մազերն ամբողջությամբ նորից աճում են։ Նույնիսկ այն հատվածներում, որոնք ամբողջովին ճաղատ էին, FUE փոխպատվաստումից մեկ տարի անց սովորաբար լինում է մազերի ամբողջական աճ:
FUE մեթոդում որոշիչ գործոնը մազարմատների տրամագիծն է: Որպեսզի վիրաբույժը կարողանա հստակ տեսնել, թե ինչ է անում, սովորաբար նախ սափրում են պացիենտի գլուխը: Դա արվում է, որպեսզի վիրաբույժի նուրբ աշխատանքին խոչընդոտող մազեր չլինեն:
Գրաֆթները սովորաբար սնամեջ ասեղով հանվում են գլխի կողքերի, պարանոցի և ականջի շուրջ եղած հատվածներից: Հենց այս հատվածներում է, որ մազաթափությամբ տառապող պացիենտների մոտ սովորաբար մազերի աճը առավել ինտենսիվ է:
Թեև դոնորական հատվածներում մազերը փոխպատվաստումից հետո փոքր-ինչ նոսրանում են, դա ամենևին նկատելի չի լինում։
Մազերի փոխպատվաստման փանչը ապահովում է, որ գրաֆթները հեռացվեն առանց հետք թողնելու և վարակի նվազագույն ռիսկով:
Արդյունքը, որ կստանաք Մեդինէս կլինիկայում
Ընդամենը 10 օր անց այն հատվածները, որտեղից վերցվել են գրաֆթները, այլևս տեսանելի չեն լինում, և բնական մազերը նորից սկսում են աճել են: Պացիենտների մեծամասնությունը գոհ է արագ ապաքինումից և բուժման ավելի քիչ ցավոտ ու նուրբ մեթոդից: Փոխպատվաստված մազերը աճում են մոտ մեկ ամիս, այնուհետև կարճ ժամանակով թափվում են։ Սակայն անհանգստանալու կարիք չկա:
Քանի որ մազերի արմատները արդեն հարմարվել են փոխպատվաստված հատվածներին, միայն մազերի թելերն են թափվում: Մոտ 2-3 ամիս հետո մազերը սկսում են երկարաժամկետ աճել, և արդեն վեց ամիս անց պացիենտները կարող են ակնկալել հավասար և բնական մազերի աճ: 12 ամիս հետո թվում է, թե մազերը չէին էլ թափվել:
Նրանք, ովքեր կօգտվեն FUE մեթոդից, որն իրականացվում է փորձառու բժիշկների կողմից և համապատասխան պայմաններում, նորից կունենան լիարժեք և առողջ մազեր ողջ կյանքի ընթացքում:
Մազերի փոխպատվաստման պրոցեդուրաների արժեքը ներառում է.
• Բուժօգնություն կլինիկայում;
• Պլազմային թերապիայի պրոցեդուրա;
• Սնուցում (մենք կծանոթանանք ձեր նախասիրություններին նախքան պրոցեդուրան);
• Պրոցեդուրայից հետո խնամքի միջոցների ցանկ:
Պրոցեդուրայից առաջ նախնական խորհրդատվությունը պարտադիր է: Երբեմն կարող է անհրաժեշտ լինել խորհրդակցել տրիխոլոգի հետ:
