Գինեկոլոգիա

Գինեկոլոգիան բժշկության այն ճյուղն է, որն ուսումնասիրում է կանանց վերարտադրողական համակարգը՝ ներառյալ նրա գործունեությունը, խնդիրները և հիվանդությունները:

Սեփական առողջության մշտադիտարկումը և գինեկոլոգի կողմից կանխարգելիչ հետազոտությունները մեծ նշանակություն ունեն, քանի որ գինեկոլոգիական հիվանդությունների մեծ մասն ավելի հեշտ և արդյունավետ է բուժվում վաղ փուլերում:

Ե՞րբ է պետք դիմել գինեկոլոգի:

Կանանց միզասեռական համակարգի պաթոլոգիաները և հիվանդությունները կանխելու համար անհրաժեշտ է տարեկան մեկ անգամ անցնել կանխարգելիչ հետազոտություններ:

Կանանց վերարտադրողական համակարգի հիվանդությունների ցանկացած դրսևորում, ներառյալ դաշտանային ցիկլի խանգարումը, ցավն ու արտադրությունը, պատճառ են հանդիսանում գինեկոլոգի հետ խորհրդակցելու համար:

Գինեկոլոգին պետք է դիմել, եթե կինն ունի հետևյալ նշաններն ու ախտանշանները.

• անկանոն դաշտանային ցիկլ;
• ցավ որովայնի ստորին հատվածում;
• արտադրություն սեռական ուղիներից (ներառյալ՝ անոմալ արգանդային արյունահոսություն);
• տհաճ զգացողություն սեռական ուղիներում (քոր, այրոց, չորություն);
• նորագոյացություններ սեռական օրգանների վրա;
• հղիանալու անկարողություն (անպտղություն)

«Մեդինէս» բժշկական կենտրոնի մանկաբարձ-գինեկոլոգները կօգնեն ախտորոշել և բուժել հետևյալ գինեկոլոգիական հիվանդությունները.

• արգանդի պարանոցի էրոզիա (էկտոպիա);
• արգանդի պարանոցի դիսպլազիա;
• էնդոմետրիոզ;
• արգանդի միոմա (ֆիբրոմիոմա);
• ձվարանների պոլիկիստոզ;
• ադնեքսիտ;
• սեռական ճանապարհով փոխանցվող հիվանդություններ (քլամիդիա, պապիլոմավիրուս, տրիխոմոնոզ, գոնորեա):

Գինեկոլոգի խորհրդատվություն

«Մեդինես» բժշկական կենտրոնի փորձառու մանկաբարձ-գինեկոլոգները կօգնեն ձեզ լուծել կանանց առողջության հետ կապված խնդիրները կյանքի ցանկացած փուլում:

Մանկաբարձ-գինեկոլոգի խորհրդատվությունը «Մեդինէս» բժշկական կենտրոնում բաղկացած է հետևյալ փուլերից.

• գանգատների հավաքագրում և բժշկական պատմության ուսումնասիրում;
• բուժառուի զննում և փոքր կոնքի օրգանների, կաթնագեղձերի պալպացիա (շոշափում);
• պարտադիր իրականացվում է կոլպոսկոպիկ հետազոտություն և նյութերի նմուշառում՝ մանրադիտակային և բջջաբանական ուսումնասիրության համար;
• նախնական ախտորոշում;
• անհրաժեշտության դեպքում բժիշկը կնշանակի լաբորատոր, գործիքային կամ ապարատային հետազոտության լրացուցիչ մեթոդներ: