Մաշկաբանություն
Մաշկաբանությունը զբաղվում է մաշկի, մազերի և եղունգների հիվանդությունների ախտորոշմամբ և բուժմամբ: Մաշկային հիվանդությունների կլինիկան բավականին ընդարձակ է, և դա իզուր չէ։ Չէ՞ որ մաշկը մարդու մարմնի ամենամեծ օրգանն է:
«Մեդինես» բժշկական կենտրոնի մաշկաբաններին ավելի ու ավելի շատ են դիմում այնպիսի մաշկային հիվանդություններ ունեցող բուժառուներ, ինչպիսիք են ալերգիկ դերմատիտը, էկզեման, պսորիազը, մաշկի բոլոր տեսակի սնկային ախտահարումները, մազաթափությունը, հաճախ նաև պզուկների, սեբորեային խնդիրներով և այլն:
Վիճակագրության համաձայն՝ յուրաքանչյուր չափահաս մարդու մոտ կյանքի ընթացքում առնվազն մեկ անգամ ախտորոշվում է մաշկաբանական հիվանդություն: Մաշկային հիվանդությունները մեծապես տարբերվում են ախտանիշներով և ծանրությամբ: Դրանք կարող են լինել ժամանակավոր կամ մշտական և կարող են լինել անցավ կամ ցավոտ: Որոշներն ունենում են իրավիճակային պատճառներ, իսկ մյուսները կարող են գենետիկական լինել: Որոշ մաշկային հիվանդություններ աննշան են, մինչդեռ մյուսները կարող են կյանքի համար վտանգավոր լինել:
Մեր բժշկական կենտրոնում բժիշկ-մասնագետներն աշխատում են՝ օգնելու մարդկանց դառնալ ավելի առողջ և գեղեցիկ: Հենց այդ նպատակով մենք ունենք ժամանակակից մաշկաբանական բաժանմունք, որտեղ յուրաքանչյուր բուժառու կարող է ստանալ մասնագիտական խորհրդատվություն անհանգստացնող մաշկային խնդիրների վերաբերյալ և մեկընդմիշտ լուծել դրանք: Մաշկային հիվանդությունների համակցված թերապիան, որը կիրառվում է «Մեդինես» բժշկական կենտրոնում, հիվանդության ոչ միայն տեղային դրսևորումների, այլ նաև դրա պատճառի բուժման գրավականն է: Մենք ունենք այն ամենը, ինչ անհրաժեշտ է մաշկաբանական ցանկացած խնդրի արագ լուծման համար՝ փորձառու մասնագետներ, նորագույն սարքավորումներ և մեծ ցանկություն՝ օգնելու յուրաքանչյուր բուժառուի:
