Օտոպլաստիկան վիրահատության տեսակ է, որն իրականացվում է ականջների ձևը կամ չափը փոխելու, վնասվածքից հետո դրանց կառուցվածքը վերականգնելու կամ դրանց կառուցվածքի բնածին անոմալիաները շտկելու համար։
Սա համեմատաբար պարզ պրոցեդուրա է և տալիս է գերազանց արդյունքներ։ Դպրոցական տարիքի երեխաները հաճախ են ենթարկվում այս վիրահատության, բայց դա վերաբերում է ոչ միայն երեխաներին, մեծահասակները նույնպես թեկնածուներ են միջամտության համար:
Վիրահատությունից հետո ականջները բնական տեսք են ունենում՝ առանց վիրահատության հետքերի։
Վիրահատության ցուցումները.
1) Տրավմայի հետևանքով պացիենտի ականջը վնասվել է:
2) Մարդն ունի ականջի զարգացման բնածին արատներ կամ անոմալիաներ:
3) Ականջախեցիների ձևի և չափի խիստ անհամաչափություն:
4) Արտաքին ականջի ի ծնե բացակայություն:
6) Պացիենտին չի գոհացնում այս օրգանի ձևը կամ չափը՝ էսթետիկ պատճառներով:
Օտոպլաստիկայի հակացուցումները.
1) արյան մակարդելիության խանգարում,
2) շաքարային դիաբետ,
3) ականջների բորբոքային հիվանդություններ,
4) վարակիչ հիվանդություններ,
5) սրացման փուլում գտնվող ցանկացած հիվանդություն,
6) քաղցկեղային հիվանդություններ,
7) հեպատիտներ
Վիրահատության ընթացքը.
Կիրառվում է տեղային անզգայացում կամ ընդհանուր անզգայացում (անհրաժեշտության դեպքում): Բոլոր կտրվածքներն արվում են ականջի հետևում, ուստի վիրահատությունից հետո ակներև սպիներ չեն լինում։ Եթե ականջները դեպի դուրս են ծալված, ապա հնարավոր է դրանք հետ շրջել։ Եթե բացակայում են ականջախեցու որոշ բնական ծալքեր, ապա դրանք հնարավոր է «ստեղծել» ականջի կամ մարմնի այլ հատվածից վերցված հյուսվածքներից։ Վնասված կամ հաստացած ականջախեցիները կարող են վերականգնվել կամ բարակեցվել։ Վիրահատության ավարտին ականջ(ներ)ին դրվում է ճնշող վիրակապ վերականգնման փուլում դրանք ֆիքսված պահելու նպատակով։
Վերականգնողական շրջանը.
Վիրահատությունից հետո, որպես կանոն, պացիենտը չի մնում կլինիկայում, այլ գնում է տուն։ Բժիշկը մանրամասն խորհրդատվություն է անցկացնում հետագա վերականգնման համար, նշանակում է ցավազրկողներ՝ հնարավոր ցավը վերացնելու համար։ Առաջին օրերին կարող է նկատվել վնասված հյուսվածքների հետվիրահատական այտուցվածություն։ Օտոպլաստիկայից հետո 10-14 օրվա ընթացքում 1-2 օրը մեկ պացիենտը այցելում է վիրաբույժին՝ վիրակապելու, հյուսվածքների ապաքինման գործընթացի վերահսկման և հնարավոր բարդություններից ազատվելու համար: Վիրահատությունից հետո մոտ մեկ շաբաթ պետք է կրել ականջախեցիները ֆիքսող վիրակապ։ Երկու շաբաթից կարելի է վերադառնալ ամենօրյա բնականոն կյանքին, սակայն երեք ամիս պետք է խուսափել կոնտակտային սպորտից:
