Լաբորատոր ախտորոշում

Հիվանդությունների վաղ հայտնաբերման և բուժման կարևոր պայմաններից է պարբերաբար հետազոտվելը լաբորատոր անալիզների և դիագնոստիկ այլ մեթոդների միջոցով։

«Մեդինէս» բժշկական կենտրոնի լաբորատորիան առաջարկում է կատարել անհրաժեշտ հետազոտությունները հարմարավետ պայմաններում, իսկ արդյունքները ստանալ կարճ ժամանակում։ Մեզ մոտ կարող եք իրականացնել հետևյալ լաբորատոր հետազոտությունները.

• Ընդհանուր կլինիկական քննություն;
• Կենսաքիմիական հետազոտություններ;
• Վարակների հետազոտություն ԴՆԹ-ի չիպային մեթոդով;
• Հղի կանանց հետազոտություններ;
• Հորմոնների հետազոտություն;
• Վիտամիններ;
• Մանրէաբանություն;
• Բջջաբանություն;
• Ժառանգական հիվանդությունների գենետիկական ախտորոշում;
• Զույգերի գենետիկական հետազոտություններ:

Ուլտրաձայնային ախտորոշում

Ուլտրաձայնային հետազոտությունը տարբեր հիվանդությունների ախտորոշման ամենատարածված մեթոդն է ամբողջ աշխարհում: Մեթոդն ունի բարձր ինֆորմատիվությունը, բացարձակապես անվտանգ է և կատարվում է արագ և հեշտ: Ուլտրաձայնային հետազոտությունների մեծ մասը նախապատրաստություն չի պահանջում, և արդյունքները հնարավոր է ստանալ անմիջապես պրոցեդուրայից հետո:

Ուլտրաձայնային հետազոտությունը հաճախ որոշիչ է դառնում ախտորոշման հաստատման համար. հետազոտություններն օգտագործվում են նաև բուժման արդյունավետությունը գնահատելու և հիվանդության դինամիկային հետևելու համար: Բացի այդ, մեթոդի անվտանգությունից ելնելով, հիվանդությունների կանխարգելման և վաղ հայտնաբերման նպատակով ևս նշանակվում է ուլտրաձայնային հետազոտություն:

Մեդինէս բժշկական կենտրոնում ՈւՁՀ հետազոտության նպատակով օգտագործվում են բարձր ճշգրտությամբ օժտված, նորագույն սարքավորումներ։

Մեզ մոտ կատարվում են ուլտրաձայնային հետազոտություններ հետևյալ օրգանների և օրգան համակարգերի համար.

• որովայնի խոռոչի,
• հետորովայնամզային տարածության,
• փոքր կոնքի,
• պարանոցի,
• փափուկ հյուսվածքների,
• կրծքագեղձի,
• վերին և ստորին վերջույթների անոթների դոպլեր հետազոտություններ,
• գինեկոլոգիական, մանկաբարձական ՈւՁՀ: