Լիպոսակցիա
Այս վիրահատական միջամտությունը թույլ է տալիս ամբողջությամբ ազատվել ավելորդ ճարպային կուտակումներից (նստատեղի, ազդրերի, որովայնի և այլ հատվածներում):
Ե՞րբ է ցուցված լիպոսակցիան.
Որոշ ճարպային կուտակումներ հնարավոր չէ վերացնել դիետայի կամ վարժությունների միջոցով: Լիպոսակցիան (ենթամաշկային ճարպի հեռացում) լուծում է այս խնդիրը. հեռացված ճարպային բջիջները չեն վերականգնվում։
Ինչպե՞ս է կատարվում լիպոսակցիան.
Լիպոսակցիան անցկացվում է վիրահատարանում, փոքրիկ կտրվածքների իրականացմամբ: Այդ կտրվածքներից բարակ մետաղյա ձողը (կանյուլա) մտցվում է մաշկի տակ և արտածծման միջոցով մարմնի որոշակի հատվածներից հեռացնում ճարպի ավելցուկը։ Ներկայումս լիպոսակցիան մեծ առաջընթաց է ապրել: Այն կիրառվում է տարբեր հատվածների համար՝ նստատեղ, ազդրեր, ծնկներ, սրունքներ, ձեռքեր, մեջք, ինչպես նաև դեմքի և պարանոցի (կրկնակզակ) համար: Օգտագործված կանյուլաներն այնքան բարակ են, որ չեն վնասում մաշկը և որոշ դեպքերում նույնիսկ լավացնում են նրա արտաքին տեսքը: Բժիշկը փոքր կտրվածքներ է անում հիմնականում բնական ծալքերում, ինչը թույլ է տալիս թաքցնել սպիները: Վիրահատությունից հետո նա կկիրառի առաձգական վիրակապ՝ հետվիրահատական այտուցը նվազեցնելու համար։ Լիպոսակցիան տևում է 30 րոպեից մինչև 2 ժամ՝ կախված վիրահատության հատվածից: Վիրահատությունը կատարվում է ընդհանուր անզգայացմամբ կամ տեղային անզգայացմամբ՝ սեդացիայով:
Միջամտությունից հետո հիվանդը կարող է դուրս գրվել հիվանդանոցից նույն օրը կամ, որոշ դեպքերում, հաջորդ օրը:
