Աբդոմինոպլաստիկա (որովայնի ձգում)
Արժեքը՝ 450 000 դրամից սկսած
Աբդոմինոպլաստիկան կամ որովայնի ձգումը պլաստիկ վիրահատություն է, որն ուղղված է որովայնի հատվածի շտկմանը՝ ավելորդ և խիստ թուլացած մաշկի, ենթամաշկային ավելորդ ճարպային կուտակումների հեռացման, ինչպես նաև որովայնի թուլացած մկանների ձգման միջոցով: Վիրահատական միջամտության այս տեսակն աշխարհում պլաստիկ վիրահատության 5 ամենատարածված տեսակներից մեկն է:
Աբդոմինոպլաստիկայի ընթացքում հնարավոր է նաև կատարել պորտի տեղափոխում և անհրաժեշտության դեպքում՝ անգամ ձևափոխում:
Աբդոմինոպլաստիկայի ժամանակ հնարավոր է ֆիքսել որովայնի ուղիղ մկանները, որոնք կորցրել են իրենց բնական անատոմիական կառուցվածքը, այսինքն՝ դիաստազը։ Այս խնդիրն առաջանում է ինչպես կանանց մոտ՝ ծննդաբերությունից և քաշի կտրուկ նվազումից հետո, այնպես էլ տղամարդկանց մոտ:
Մեդինէս բժշկական կենտրոնում իրականացվում են աբդոմինոպլաստիկայի հետևյալ տեսակները.
- Մինի աբդոմինոպլաստիկա. երբ պահանջվում է որովայնի ստորին հատվածի փոքրիկ շտկում։ Երբ կա ավելորդ մաշկ, իսկ որովայնի ուղիղ մկանների հետ կապված խնդիրներ չկան (դիաստազ), երբ պորտի տեղափոխման կարիք չկա: Այն նվազ ինվազիվ միջոց է էսթետիկ անհարմարությունը վերացնելու համար:
- Ամբողջական աբդոմինոպլաստիկա. կատարվում է այն դեպքում, երբ անհրաժեշտ է վերացնել դիաստազը, տեղափոխել պորտը և հեռացնել բավարար քանակությամբ մաշկ և ճարպային հատված: Վիրահատության ընթացքում հնարավոր է նաև միաժամանակ բուժել պորտի և աճուկի ճողվածքները որովայնային ցանցերի միջոցով:
Աբդոմինոպլաստիկայի ցուցումները.
- մարմնի արտաքին տեսքի բարելավում
- մննդաբերություններից հետո, հատկապես բազմակի
- քաշի զգալի կորուստ, ինչպես բնական եղանակով՝ սպորտի և ճիշտ սննդակարգի շնորհիվ, այնպես էլ ստամոքսի փոքրացման բարիատրիկ վիրահատությունից հետո
- մարմնի տարիքային փոփոխություններ
- կեսարյան հատումից հետո
- պորտի վերականգնման անհրաժեշտություն
- որովայնի ուղիղ մկանների անատոմիական կառուցվածքի վերականգնում:
