Մաստոպեքսիա (Կրծքագեղձի ձգում)

Մաստոպեքսիան կրծքագեղձի վիրահատական ձգում է, որը թույլ է տալիս լուծել կրծքագեղձի իջեցման (պտոզ) խնդիրը, վերականգնել կաթնագեղձերի ծավալը և կատարել պտուկների և արեոլաների էսթետիկ շտկում։

Մաստոպեքսիայի ցուցումները.

Վիրահատության հիմնական ցուցումներն են կրծքագեղձի մաշկի առաձգականության կորուստը, կրծքագեղձերի կախվածությունը (պտոզը)՝ քաշի կտրուկ կորստի, հղիության կամ կրծքով կերակրման հետևանքով։ Կանանց համար կրծքագեղձերի ձգումը ակտուալ է հատկապես ծննդաբերությունից հետո, երբ կրծքագեղձերի իջեցումը շատ դեպքերում անխուսափելի է:

Կարևոր է նշել, որ կրծքագեղձի մեծացումը և ձգումը փոխարինելի վիրահատություններ չեն. մամոպլաստիան չի լուծում կրծքագեղձի պտոզի խնդիրը, այլ միայն վերականգնում է կրծքի ծավալը իմպլանտների շնորհիվ:
Բայց այս երկու վիրահատությունները համատեղել: Ուստի բավականին հաճախ լինում են դեպքեր, երբ վիրաբույժը խորհուրդ է տալիս մաստոպեքսիա կատարել կրծքագեղձի էնդոպրոթեզավորմամբ, այսինքն՝ միաժամանակ կատարել կրծքագեղձի ձգում և մեծացնող մամոպլաստիկա։

Նման վիրահատության արդյունքն ավելի արտահայտիչ էսթետիկ տեսք է տալիս. իմպլանտների տեղադրումը թույլ է տալիս կուրծքը դարձնել ավելի գրավիչ և ծավալուն, իսկ կրծքի ձևի շտկումը կուրծքն ավելի բարձր և ձիգ է դարձնում: Վիրահատությունից հետո կրծքի ֆունկցիան և էրոգեն զգայունությունը պահպանվում է։

Կրծքագեղձի ձգման մեթոդները.

Մաստոպեքսիայի ցանկացած եղանակի դեպքում կրծքագեղձի շտկման էությունը մնում է նույնը. էֆեկտը ձեռք է բերվում ավելորդ մաշկը հեռացնելով և պտուկ-արեոլար կոմպլեքսը վեր բարձրացնելով:

Կրծքագեղձի ձգումը կարող է իրականացվել հետևյալ եղանակներով.

• Շրջանաձև կտրվածք (արեոլայի շուրջ);

• Ուղղահայաց կտրվածք (արեոլայից մինչև ստորկրծքային ծալք);

• T-ձև կտրվածք (հարարեոլային, ուղղահայաց և ստորկրծքային ծալքով):

Օպտիմալ մեթոդը որոշվում է վիրաբույժի կողմից՝ կախված պացիենտի կրծքագեղձի իջեցման աստիճանից և հետևյալ գործոններից.

• կրծքի չափ և ձև,

• պտուկ-արեոլար կոմպլեքսի վիճակ, շտկման ցանկություն,

• կրծքի մաշկի առաձգականություն,

• հեռացվող հյուսվածքների քանակ:
  
  

Մաստոպեքսիա իրականացնելիս՝ վիրաբույժը միշտ փորձում է սահմանափակվել հյուսվածքների նվազագույն վնասվածքով, քանի որ կրծքագեղձի ձգման հիմնական նպատակը կրծքի գեղեցկությունն է, նրա արտաքին տեսքը։